نفرین نامه
چه زی کل بی زمون آشنایی؟!!!
چه سنگین ها میره عمر جگایی؟!!!
چه جا کردی و نازی د دل مِ؟!!!!
چه جستی د قپم وا بی وفایی؟!!!
دل بردی عزیز حیله بازم
م هم زیسا دما بی دل می تازم
موم چی آو زیرکه مثه تو
ک پی نور کسی و رمز و رازم
ستارم بورسه بوریَ ستارت
بو َ غم هر ایواره دس برارت
بجورئه چی اساره ای آسمونت
فلک بونه گره ی کوره ی د کارت
بوَ سا سرد و ژلمت همنشینت
طم حسرت بپاشیه د زمینت
بواره آسمو بارون رِفتی
شو کوچ رفیق نازنینت
سرت پر تم دلت پر وِ مروو با
مین دمت د حوشکی مثل چو با
خو ر خو نیاره قاصدی سیت
اگر آورد د سر تا پا درو با
نیینی رنگ شادی دی زمونه
پلت قیچی بوئه د جال شونه
بیینی که عزیز دودمونت
اسیر خاک سرد قورِ سونه
بوئی بایه قوش ویرونه گردی
دو بالت بشکین وا زور بردی
هناسه ت یخ بکَ د چال تشنی
که پی بری و معنی آه سردی
کسی دل وت نونه تا قیامت
عزیزی وت نخنه تا قیامت
الهی باغون باغ شادی
در و ریت بونه تا قیامت
عزیز نادری .......
