• مِ بی تو چُولَ بازارِم ، تو بی مِ گرمَ بازارِت
  • می سازم وا کِساتی اَر، نَچِزنَم داغِ دیدارت
  • دِ دَس رَتَ قِرارِ دل ، سیا بی روزگارِ  دل
  • تو ای تَنیا بِهارِ دل، نِیینم زردَ گلزارت
  • چه پی بُردی وِ آسونی ، بِلا نِیری نَکه دُنی؟
  • دِ بازارِ خیالاتِم ، مُؤِم هر شُو خریدارِت
  • اگر مَرغی مُؤِم چَشمه ، اگر باغی مِ پَرچینم
  • اگر بادی مُؤِم اُوری، اگر دَشتی مُؤِم خارت
  • بُویی هَر چی مُؤِم باشد ،بُویی هَرجا مُؤِم زی با
  • مُویی شاهی مِ سَروازم، مُؤِیی خانی مِ پاکارِت
  • دِرازَ ای مَتَل اِمشو، بَجِمُ دَسی ای ساقی
  • "عزیزِ" مَسِ مَس تر کو،فِلَک بِفتَ دِ آوارِت
  • عزیز نادری ------------تش دل
  • مِ بی تو چولَ بازاِرم: بازار من بی تو بی رونق است
  • کِساتی:کسادی
  • نَچِزنَم:عذابم ندهد
  • آسونی :آسانی ،سهولت
  • نَکَ دُنی؟:نکند میدانی؟ نکند آگاهی؟
  • اَگر مَرغی:اگر مرغزاری
  • زی با:زود باش ،تعجیل کن
  • پاکار:نوکر، خدمت گزار
  • بَجِمُ:بجنبان     بَجِمُ دَسی ای ساقی:ای ساقی دستی بجنبان
  • فِلَک بِفتَ دِ آوارَت:فلک بر علیه تو اقدام نماید